Трамп Россияга қарши янги санкциялар жорий этиши даргумон

АҚШ Трампнинг бажариб бўлмас талаблари сабабли Россияга қарши янги санкциялар жорий этмаслиги мумкин, деб хабар бермоқда Тhe New York Times.

Газетанинг қайд этишича, NATO'нинг камида икки аъзоси — Венгрия ва Туркия Москва билан яхши муносабатларни сақлаб қолган ва Россиядан катта миқдорда энергия ресурсларини харид қилмоқда.

"Бу ҳолат ўзгариши эҳтимолдан йироқ. Қолган Европа давлатлари ҳам маълум миқдорда Россия энергия ресурслари харид қилмоқда. Шу сабабли Трамп Россияга қарши янги санкциялар жорий этиши даргумон", дея ёзмоқда NYT.

Аввалроқ АҚШ президенти NATO'нинг барча давлатлари Россия нефтидан тўлиқ воз кечса, Москвага қарши қаттиқ санкциялар жорий этишга ваъда берган эди.