Трамп Россияга қарши иккиламчи санкциялар жорий этишни хоҳламайди, аммо

Трамп Россияга қарши иккиламчи санкциялар жорий этишни хоҳламаслигини, аммо Украинада тинчлик бўйича олдинга силжиш бўлмаса, бунга тайёр эканини билдирди.

АҚШ президентининг бошқа баёнотлари:

◾️ Украинанинг NATO'га қўшилиши эвазига нодир металлар бўйича келишув тузиш варианти муҳокама қилинмаган. Украинанинг алянсга аъзо бўлиш масаласи ушбу урушнинг бошланишига сабаб бўлган;

◾️ Зеленский Қўшма Штатлар билан Украинадаги ресурсларни ўзлаштириш бўйича келишув юзасидан музокараларни қайта бошлашга ҳаракат қилмоқда;

◾️ Май ойида Саудия Арабистонига ташриф буюришни режалаштиряпман;

◾️ Тез орада КХДР етакчиси билан алоқа ўрнатмоқчиман. Мен Ким Чен Ин билан яхши муносабатларга эгаман;

◾️ АҚШнинг Ямандаги ҳусийларга қарши ҳужумлари улар Америка кемаларига ҳужум қилишни тўхтатгандан сўнг тугайди.