Трамп: "Россия ва Украина келаси ҳафта келишув тузади"

АҚШ президенти Дональд Трамп яқин ҳафтада Украинадаги урушни тугатиш бўйича келишувга эришилишига умид билдирди.

У бу ҳақда Truth Social ижтимоий тармоғида тегишли баёнотни жойлаштирди.

"Умид қиламанки, Россия ва Украина шу ҳафта (АҚШда календарь ҳафтаси якшанба куни бошланади) келишувга эришади", — деб ёзади Америка етакчиси.

Бундай ҳолда, унинг таъкидлашича, ҳар икки томон ҳам АҚШ билан “фаол бизнес юрита бошлайди”, бу эса уларга “бойлик орттириш” имконини беради.

Эслатиб ўтамиз, Россия президенти Владимир Путин Бош штаб бошлиғи Валерий Герасимов билан учрашувда ўт очишни тўхтатиш ҳақида эълон қилган эди. У 19 апрель соат 18:00 дан 21 апрель 00:00 гача - жами 30 соат амал қилди.