Украина ва Россия ўртасидаги кейинги учрашув Швецияда ўтказилиши мумкин. Бу ҳақда АҚШ президентининг махсус вакили Кит Келлог гапирди.
"Президент Трамп тахминан бир ҳафта олдин президент Путин билан суҳбатлашганида, руслар улар шартлар рўйхати деб аталувчи меморандумни тайёрлаётганликларини айтишган эди. Украина бизга бундай ҳужжатни топширди. Энди Россия ҳам тегишли рўйхатни ёпшириши керак", — деди Доналд Трампнинг Украина бўйича махсус вакили Кит Келлог Fox News эфирида.
Келлогнинг айтишича, шундан кейин икки томоннинг шартларини бирлаштириб, "нима мақбул, нима мақбул эмас"лигини тушуниш лозим бўлади ва яна бир учрашув ташкиллаштирилади.
"Биз бу учрашувни Ватиканда ўтказмоқчи эдик, аммо россияликлар у ерга боришни хоҳламади. Шунинг учун Женева кейинги учрашув манзило бўлиши мумкин. У ерда учта етакчи: президент Трамп, Путин ва Зеленский ўзаро келишиб, урушни тўхтатиш масаласини ҳал қилиши мумкин", — дея қўшимча қилди Келлог.
Келлог, шунингдек, Россияни музокараларда иштирок этишга ундаш учун унга босим ўтказишни давом эттириш зарурлигини таъкидлади.
Кремль миллиардлаб топмоқда, Европа эса миллиардлаб сарфламоқда
Дуров: "Мен русман!"
Украина Россиянинг муҳим ҳарбий объектларига зарба берди
