Трамп: "Путин келишувга эришмоқчи"

АҚШ президенти Дональд Трамп россиялик ҳамкасби Владимир Путин билан "ажойиб" суҳбат ўтказганини айтди.

Бу ҳақда Трамп журналистлар билан учрашувда маълум қилди.

Трампнинг сўзларига кўра, Путин Россия-Украина можаросини тугатишдан манфаатдор.

"Путин келишувга эришмоқчи. Агар Украина президенти Владимир Зеленский ҳам келишувга эришмоқчи бўлса, бу жуда яхши бўлар эди", деди Америка етакчиси.

Трамп шунингдек, Россия президенти билан янги икки томонлама учрашув ўтказишни истисно қилмади: "Биз яхши суҳбатлашдик. Бу содир бўлиши мумкин".