АҚШ президенти Дональд Трамп Россия президенти Владимир Путин Ғазо секторида ўт очишни тўхтатиш келишувини қўллаб-қувватлашини билдирди.
"Кўпчилик давлатлар бу резолюцияларнинг барчасини қабул қилди, ҳар бир давлат иштирок этмоқда. Эрон қўшилди - мен буни кўрганимдан жуда хурсанд бўлдим, бу мен учун катта шараф бўлди. Россия қўшилди ва Президент Путин буни тўлиқ қўллаб-қувватлайди", - деди у журналистлар билан суҳбатда.
Эслатиб ўтамиз, 2 октябрь куни "Валдай" мунозара клубининг ялпи мажлисида Владимир Путин Россия Трампнинг Ғазо секторидаги можарони ҳал қилиш бўйича таклифини қўллаб-қувватлашга тайёрлигини маълум қилган эди. Россия раҳбари, шунингдек, суверен Фаластин давлатини яратиш Яқин Шарқдаги вазиятни тартибга солишнинг муҳим жиҳати бўлиши кераклигини таъкидлади.
ХАМАС ва Исроил Трампнинг Ғазо сектори бўйича тинчлик режасининг биринчи босқичи бўйича келишувга эришди. Америка раҳбарининг режаси гаровга олинганларни озод қилиш, Исроил қўшинларини Ғазо секторидан босқичма-босқич олиб чиқиб кетиш, гуманитар ёрдам етказиш ва халқаро кузатув органини яратишни ўз ичига олади.
Йирик астероид Ой билан тўқнашди (видео)
Шаҳноза Мирзиёева ҳалқдан ёрдам сўради (фото)
«Жаҳаннам Нажоти» Туркияда қўлга олинди
