Трамп Папанинг дафн маросимидаги кийиниш қоидаларини буздими?

АҚШ президенти Дональд Трамп Рим папаси Франсицкнинг дафн маросимида кийиниш қоидаларига амал қилмаганликда айбланмоқда.

Маълумотларга кўра, Трамп Ватикандаги Авлиё Пётр майдонида бўлиб ўтган понтификнинг видолашув ва дафн маросимида қора эмас, кўк костюм кийган ҳолатда кўриниш берган. Унинг рафиқаси Мелания эса қора кўйлак ва қора рўмол кийган ҳолда тадбирда иштирок этган.

Шунингдек, Трамп ва Мелания дафн маросимининг тугашини кутмасдан, видолашув маросимидан сўнг дарҳол тадбирни тарк этгани маълум қилинган.

The Independent нашрининг ёзишича, Ватикан маросимларида эркаклар учун белгиланган кийиниш тартиби - қора бўйинбоғ таққан тўқ рангли костюм ҳамда бўйинбоғга қора тугмача тақишни талаб қилади. Аёллар эса узун қора кўйлак, қўлқоп кийиши тавсия этилади.