АҚШ президенти Дональд Трамп Миллий разведка директори идораси ҳажмини қисқартириш жараёнини буюрди.
Бу ҳақда The Wall Street Journal нашри хабар бермоқда.
"Мен бу тузилмани кичикроқ кўришни истардим. Менимча, у ерда бўлмаслиги керак бўлган жуда кўп одамлар бор", деди Трамп.
Нашрга кўра, АҚШ президенти 18 та разведка агентлиги ва департаментларини назорат қилувчи тузилма "ортиқча ва жуда катта" деб ҳисоблайди. Шунингдек, у Миллий разведка директори вазифасини бажарувчи Билль Пультага тегишли ходимларни қисқартириш чораларини кўришни буюрганини тасдиқлади.
Мумкин бўлган ишдан бўшатишлар ҳақидаги саволга жавобан Трамп агентликнинг умумий ролини қайта кўриб чиқишни истисно қилмасдан, жараён бошланишини истаётганини таъкидлади.
"Биз Таълим департаментини анча кичиклаштирдик ва бу тузилма ҳам анча кичикроқ бўлиши керак. Уни ҳатто йўқ қилиш керак бўлиши мумкин ва биз бу қарорни қабул қиламиз", деб қўшимча қилди АҚШ президенти.
Ўзбекистонда янги кўл пайдо бўлди
2026 йил ёзда Марказий Осиё мамлакатларида аномал даражада кучли ёғингарчиликлар кузатилиши мумкин
Россия Молия вазирлиги ва Марказий банк Путинни огоҳлантирди
