Кремль Зеленскийнинг мактубидан хабардор — Дмитрий Песков

Россия президенти матбуот котиби Украина президентининг Путинга йўллаган очиқ хати ҳақида хабардор эканини тасдиқлади.

Россия президенти матбуот котиби Дмитрий Песковнинг айтишича, Зеленский исталган вақтда Москвага келиши мумкин.

"Зеленский исталган пайт Москвага келиши мумкин. Президент Путин айтганидек, агар Зеленский гаплашмоқчи бўлса, Москвага келиб, буни амалга ошириши мумкин", — деди Кремл матбуот котиби.

Шунингдек, Песков Путин ҳозирча мазкур хат билан танишиб чиқмаганини маълум қилди. Унинг сўзларига кўра, Кремл бундан хабардор, аммо хат эълон қилинган вақтда Путин бошқа тадбирда иштирок этаётгани сабабли уни кўришга улгурмаган.