Reuters агентлигининг ҳужжатлар ва манбалар билан ўтказилган суҳбатларга таяниб маълум қилишича, уруш бошланганидан бери АҚШ Украинадаги ҳарбий жиноятларни тергов қилиш учун 283 миллион доллардан ортиқ маблағ ажратган. Бироқ Трамп маъмурияти бу маблағларни “ўнлаб миллион” долларга қисқартирди, натижада кўплаб дастурларни молиялаштириш тўхтатилди ёки узайтирилмади.
Гап молиялаштиришнинг камида 40 фоизини ташкил этган дастурлар ҳақида бормоқда. Доналд Трамп маъмурияти томонидан фақат битта янги дастур эълон қилинди: 2026 йил март ойида болаларни Украинага қайтариш учун 25 миллион доллар ажратилди. Шу билан бирга, бошқа шунга ўхшаш дастурлар, масалан, Йел университети лойиҳаси молиялаштиришдан маҳрум бўлди.
Агентликнинг ёзишича, молиялаштириш тўхтатилгани сабабли 2014 йилдан бери ҳарбий жиноятлар ҳақида маълумот тўплаб келаётган Truth Hounds ташкилоти ўз ходимларини қисқартирди, архив лойиҳасини вақтинча тўхтатди ҳамда судялар ва прокурорларни халқаро ҳуқуқ соҳасида ўқитишни кейинга қолдирди.
Reuters'га маълумот берган манбаларнинг айтишича, жанг майдонидан далилларни тўплаш ва таҳлил қилишга ёрдам берган ўнлаб халқаро экспертлар энди маҳаллий прокурорларга ёрдам бериш учун Украинага бора олмайди.
Эрон жавоб қайтарди: АҚШ авиабазасига зарба берилди
Россияда муфтийлар оммавий равишда ҳибсга олинмоқда
"ЕИнинг барча давлатлари бу мавзуда овозини ўчириши керак"
