АҚШ Олий суди Дональд Трамп маъмуриятига мигрантларни ўз ватани бўлмаган учинчи давлатларга депортация қилиш амалиётини яна давом эттириш имконини берди.
29 сентябрь куни қабул қилинган қарор билан қуйи суднинг ушбу сиёсатни тўхтатиб турган ҳукми вақтинча кучдан қолдирилди. Уч нафар либерал судья бунга қарши чиққан, натижада қарор 6:3 нисбатда қабул қилинган.
Мазкур сиёсат мигрантларни уларнинг фуқаролигига мансуб давлатдан бошқа мамлакатларга юбориш имконини беради. Reuters маълумотига кўра, амалдаги тартибда депортация қилинаётган шахсларга олдиндан етарли огоҳлантириш бериш ёки ўша давлатда таъқиб ва қийноқ хавфи мавжудлигини билдириш учун алоҳида имконият яратиш талаби бекор қилинган.
Трамп маъмурияти мазкур механизмни 2025 йилда жорий этган эди. Ҳукумат бу чорани айрим давлатлар ўз фуқароларини қабул қилишдан бош тортган ҳолатларда зарур восита сифатида кўрсатмоқда. Танқидчилар эса у мигрантларни хавфли мамлакатларга юбориш эҳтимолини оширишини таъкидламоқда.
Суд ҳужжатларида келтирилишича, 2025–2026 йилларда камида 25 минг киши 28 дан ортиқ учинчи давлатга депортация қилингани ҳақида баҳолар мавжуд.
Бироқ Олий суд 29 сентябрда дастурнинг қонунийлиги бўйича якуний қарор чиқармади. Суд ишни кўриб чиқишга қабул қилди ва асосий муҳокамаларни 2026 йил декабрида ўтказишни белгилади. Унда учинчи давлатларга депортация сиёсати АҚШ қонунлари, процессуал ҳуқуқлар ҳамда қийноқларга қарши халқаро мажбуриятларга мос келиши масаласи кўриб чиқилади.
MrBeast: “Ўзбекистонда мухлисларим шу қадар кўпки, балки кетишимизга тўғри келар”
Германия Россия билан дизель ёқилғиси етказиб бериш бўйича келишув тузишни таклиф қилди
АҚШ Россия нефтни қайта ишлаш заводларига қилинган зарбалар туфайли Украинага қурол етказиб беришни тўхтатиш билан таҳдид қилмоқда
