Трамп маъмурияти ҳукумат идораларининг учдан икки қисмини сотади

АҚШ президенти Дональд Трамп маъмурияти федерал ҳукуматга тегишли офис майдонининг учдан икки қисмини сотиш имкониятини кўриб чиқмоқда.

Бу ҳақда The Wall Street Journal хабар бермоқда.

Нашр маълумотларига кўра, АҚШ Умумий Хизматлар бошқармаси бутун мамлакат бўйлаб умумий майдони 34,4 миллион квадрат метр бўлган федерал кўчмас мулк портфелини бошқаради. Бироқ, департамент вакилининг 2023 йилда Конгрессда гувоҳлик беришича, кўплаб бинолар маблағ етишмаслиги сабабли ёмон таъмирланган, бўш ёки тўлиқ фойдаланилмаган, дея қайд этади газета. Ҳисоботда айтилишича, Вашингтондаги хусусий мулкдорлардан Умумий Хизматлар бошқармаси ижарага олган офис майдонининг тўртдан уч қисми ҳам бўшатилади.

Нашрнинг таъкидлашича, яқинда АҚШ Сенатига тақдим этилган ҳисоботга таяниб, Вашингтондаги йирик агентлик ёки департаментларнинг бирорта штаб-квартираси ярмидан кўпи билан тўла эмас. Вашингтондаги Умумий Хизматлар бошқармасига тегишли бинолар, ҳисоб-китобларга кўра, ўртача атиги 12% банд. Ҳукумат бутун мамлакат бўйлаб 7500 дан ортиқ бўш биноларга эгалик қилади, дея хулоса қилади нашр.