Трамп Исроилнинг Эронга зарбасини муҳокама қилиш учун Вазирлар Маҳкамасини йиғади

АҚШ президенти Дональд Трамп яқин бир неча соат ичида вазирлар маҳкамаси йиғилишида Исроилнинг Эронга берган зарбасини муҳокама қилади.

Бу ҳақда CNN манбалари хабар берди.

"Бизга маълум бўлишича, Дональд Трамп бугун кечқурун Эронга қилинган бу превентив зарбалар муносабати билан вазирлар маҳкамаси йиғилишини чақиради. Бу ҳақдаги маълумот Оқ уйдаги расмийлардан келган", - деди CNN журналисти жонли эфирда.

Қайд этилганидек, "учрашувда асосий эътибор АҚШнинг ҳужумга жавоб беришига қаратилади".