Трамп Гренландияга шифохона каби жиҳозланган кема юбормоқчи

"Луизиана штатининг ажойиб губернатори Жефф Лэндри билан биргаликда Гренландияга катта шифохона-кема юборамиз. Кема у ерда зарур ёрдам кўрсатилмаётган кўплаб беморларга ғамхўрлик қилиш учун зарур. Кема аллақачон йўлга чиқди!!!", — деб ёзди АҚШ президенти Truth Social ижтимоий тармоғида.

Reuters хабарига кўра, бу баёнот Оқ уйда республикачи губернаторлар учун уюштирилган кечки овқат бошланишидан сал олдин пайдо бўлган. Трамп ушбу кечки овқатда Лэндрининг ёнида ўтирган ва у билан суҳбатлашган.