Трамп Ғарбий қирғоқдаги "экстремист" исроиллик манзилгоҳлар аҳолисига қарши санкцияларни бекор қилди

АҚШ президенти Доналд Трамп собиқ Байден маъмурияти "экстремистик манзилгоҳлар ҳаракати"нинг бир қисми деб атаган Ғарбий қирғоқдаги исроиллик манзилгоҳлар аҳолисига нисбатан АҚШ санкцияларини бекор қилиш тўғрисидаги фармонга имзо чекди.

Оқ уйнинг янги веб-сайтида маълум қилинишича, Трамп Байденнинг 2024 йил 1 февралда имзоланган 14115-сонли Ижро фармони бекор қилинди. Мазкур фармон фаластинликларга ҳужум қилиш ва қўрқитишда айбланаётган уч нафар Давид Хай Хасдай, Эйнан Танжил ва Йинон Леви исмли исроиллик манзилгоҳ аҳолиси ҳамда исроиллик тинчлик фаолларига ҳужум қилишда гумон қилинаётган Шалом Зиккерманга нисбатан санкциялар жорий этган эди.

Байден маъмурияти 2024 йил декабрь ойига келиб Ғарбий қирғоқда жами 33 та жисмоний ва юридик шахсга нисбатан санкциялар киритган эди.