Трамп Эронга режалаштирилган зарбалар бекор қилинганини эълон қилди

АҚШ президенти Дональд Трамп Эронга илгари режалаштирилган зарбаларни бекор қилиш тўғрисидаги қарорини эълон қилди.

Трамп бу ҳақда Truth Social ижтимоий тармоқ саҳифасида ёзди.

"Эрон билан музокаралар Эрон раҳбариятининг энг юқори даражаларига етказилгани ва тасдиқланганига асосланиб, мен, Қўшма Штатлар президенти сифатида, бугун кечқурун режалаштирилган Эронга зарбалар ва бомбардимонларни бекор қилдим. Музокаралар ва якуний қоидалар Қўшма Штатлар, Исроил, Саудия Арабистони, БАА, Қатар, Туркия, Покистон, Баҳрайн, Қувайт, Иордания, Миср ва бошқалар каби барча иштирокчи томонлар томонидан ҳам концепция, ҳам батафсил маъқулланди", дейилади постда.

Бироқ, Трампнинг сўзларига кўра, Ҳормуз бўғозидаги Эрон портларининг денгиз блокадаси якуний келишувга эришилгунга қадар тўлиқ кучда қолади. Унинг қўшимча қилишича, АҚШ ва Эрон ўртасидаги тинчлик шартномасини имзолаш вақти ва жойи яқин орада эълон қилинади.