Сурхондарё вилоятида шаҳарлараро поездда йўловчи аёлга шилқимлик қилган чипта сотувчиси 5 суткага қамалди.
Маълум бўлишича, “Ўзбекистон темир йўллари” АЖда чипта сотувчиси Д.М. 1 июнь куни соат 22:15 ларда Сариосиё—Термиз йўналишида ҳаракатланган йўловчи поездда Узун туманида яшовчи аёлга чипта пулини ўзи тўлашини айтиб, шилқимлик қилган.
Жабрланувчининг кўрсатмасига кўра, у манзилга яқинлашганда чипта сотувчиси унинг орқасидан келиб қучоқлаган. Аёл ундан ўзини қўйиб юборишни талаб қилганига қарамай, эркак яна уни қучоқлашга уринган. Бундан ташқари эркак аёлга кейинги бекатда тушишни таклиф қилиб, йўл ҳақини ҳам ўзи тўлашини айтган.
Суд қарори билан Д.М. Маъмурий жавобгарлик тўғрисидаги кодекснинг 41-¹-моддасида назарда тутилган ҳуқуқбузарликни содир этгани учун айбли деб топган. Унга нисбатан 5 сутка маъмурий қамоқ жазоси тайинланган.
Миллион россиялик мамлакатни тарк этди
47°C иссиқликда тонг ҳам, тун ҳам йўқ: Ҳиндистоннинг энг иссиқ ҳудудида бир кун
Тимми исмли кит биоёқилғига айланади
