Трамп: "Эрон ҳукуматининг илтимосига биноан, энергетика иншоотларини йўқ қилишни 10 кунга тўхтатиб тураман"

АҚШ президенти Дональд Трамп Эрон энергетика иншоотларига зарбаларни яна 10 кунга тўхтатиш тўғрисида буйруқ берганини эълон қилди.

Бу ҳақда Америка етакчиси Truth Social ижтимоий тармоқ саҳифасида ёзди.

"Эрон ҳукуматининг илтимосига биноан, мен [Эроннинг] энергетика иншоотларини йўқ қилишни 2026 йил 6 апрел, душанба куни соат 20:00 гача 10 кунга тўхтатиб тураман. Музокаралар давом этмоқда ва сохта янгиликлар оммавий ахборот воситалари ва бошқаларнинг нотўғри даъволарига қарамай, улар жуда яхши кетмоқда", деб таъкидлади Трамп.

23 март куни АҚШ президенти ҳарбийларга Эроннинг энергетика инфратузилмасига зарбаларни беш кунга кечиктиришни буюрганини эълон қилди. Шунга қарамай, Оқ уй раҳбари Вашингтон ва Теҳрон ҳарбий ҳаракатларга чек қўйиш бўйича "жуда яхши ва самарали музокаралар" ўтказганини хабар қилди.