Эрон қуролли кучлари агар Вашингтон Ислом Республикасининг электр станцияларига ҳужум қилса, Яқин Шарқдаги АҚШнинг энергетика ва ахборот инфратузилмаси иншоотларига қарши жавоб зарбаларини беришга тайёрлигини эълон қилди.
Бу ҳақда Эрон Миллий телерадиоэшиттириш корпорацияси (IRIB) Эрон Қуролли Кучлари Бош штабига таяниб хабар бермоқда.
"Биз яна бир бор таъкидлаймиз: агар душман Эроннинг энергетика инфратузилмаси иншоотларига ҳужум қилса, биз Яқин Шарқдаги Қўшма Штатларга тегишли бўлган барча энергетика ва ахборот инфратузилмасига, шунингдек, технология марказлари ва тузсизлантириш заводларига зарба берамиз", деб таъкидлади ҳарбий қўмондонлик.
Бу огоҳлантириш АҚШ президенти Дональд Трампнинг Ҳормуз бўғози 48 соат ичида юк ташиш учун тўлиқ қайта очилмагунча Эроннинг баъзи электр стансияларини йўқ қилиш билан таҳдидлари фонида пайдо бўлди.
11 март куни Эрон қуролли кучларининг марказий қўмондонлиги бўлган Хатам ал-Анбия вакили Теҳрон Қўшма Штатлар ва унинг иттифоқчилари билан боғлиқ ҳеч қандай ёқилғи юкларининг Ҳормуз бўғозидан ўтишига йўл қўймаслигини эълон қилди. Ушбу стратегик муҳим сув йўли дунё нефть экспортининг тахминан бешдан бир қисмини ташкил қилади. 15 март куни Эрон душманни чекинишга мажбур қилиш учун барча мавжуд воситалардан, жумладан, Ҳормуз бўғозидаги юк ташишни назорат қилишдан фойдаланишга тайёр эканлиги ҳақида огоҳлантирди.
Эронда 19 ёшли спортчи дорга осиб қатл этилди
Грузияда мотам куни эълон қилинди
Эрон АҚШнинг F-35га қандай ракета билан зарба берганини кўрсатди
