АҚШ президенти Дональд Трамп Эронга қарши ҳарбий ҳаракатлар масаласида Конгресс розилиги талаб этилмаслигини билдирди. Унинг таъкидлашича, амалдаги сулҳ туфайли жанглар тўхтатилган ва шу боис 60 кунлик қонуний муддат амал қилмайди.
Оқ уй раҳбари Конгресс етакчиларига йўллаган мактубида, Эрон билан эришилган келишув ҳарбий ҳаракатлар бўйича мажбуриятларни вақтинча “тўхтатиб қўйганини” қайд этди.
Маълумки, War Powers Resolutionга кўра, президент ҳарбий амалиётлар бошланганидан сўнг 48 соат ичида Конгрессни хабардор қилиши ва 60 кун ичида унинг розилигини олиши шарт. Акс ҳолда, қўшинлар жанговар ҳудуддан олиб чиқилиши керак.
АҚШнинг Эронга қарши амалиёти 28 февралда бошланган, 2 март куни эса Конгресс расман хабардор қилинган эди. Шунга кўра, белгиланган 60 кунлик муддат 1 май куни якунланган.
Бироқ Трампнинг фикрича, жанглар тўхтатилгани сабабли мазкур чеклов автоматик тарзда амал қилмайди.
Айни пайтда Эрон расмийлари ҳарбий ҳаракатлар қайта бошланиш эҳтимолини истисно этмаяпти. Бу эса вазият ҳали ҳам таранглигича қолаётганини кўрсатади.
Зеленский Путиннинг Ғалаба байрами муносабати билан сулҳ эълон қилиш ғоясига муносабат билдирди
Можтаба Хоманаий Путинга мактуб йўллагани маълум бўлди
Хитой аҳолиси Франция даражасида қисқариши мумкин: Иқтисодиёт хавф остида
