Қўшма Штатлар томонидан жорий қилинган божлар мамлакатга ҳар куни 2 миллиард долларга яқин даромад келтирмоқда. Бу ҳақда АҚШ президенти Дональд Трамп Оқ уйда маълум қилди, деб хабар беради Anadolu.
Трамп 2 апрель куни жорий қилинган тарифларга изоҳ бериб, уларни “ўзаро савдо келишувлари” деб атади.
Унинг сўзларига кўра, бу чора-тадбирлар ўз самарасини исботлаган.
“Биз ажойиб натижаларга эришдик, ҳар куни 2 миллиард долларга яқин даромад олмоқдамиз”, – деди президент.
Америка раҳбари, шунингдек, хорижий ҳамкорлар билан янги шартлар бўйича музокаралар қайта бошланганини маълум қилди.
“Ҳозир Япония делегацияси келишувга эришиш учун бизга келмоқда, Жанубий Корея ҳам келишувга эришишга ҳаракат қилмоқда, бошқа давлатлар ҳам бу йўналишда ҳаракат қилмоқда”, – дея қўшимча қилди у.
Оқ уй матбуот котиби Кэролайн Ливиттнинг айтишича, тарифлар эълон қилинганидан бери 70 га яқин давлат музокараларни бошлаш таклифи билан Трампга мурожаат қилган.
Левит, шунингдек, Трамп АҚШ билан ҳамкорлик қилишдан манфаатдор бўлган ҳар бир давлат билан индивидуал савдо келишувларини ишлаб чиқишни буюрганини таъкидлади.
Техас кўлида 2 метрлик маҳлуқ қўлга тушди, бу жаҳон рекорди бўлиши мумкин
АҚШ Украинани бутунлай тарк этмоқда
Исроил самолётлари хатолик билан яҳудийлар яшаш пунктини бомбардимон қилди
