Россия президенти Владимир Путин Уммон Султони Ҳайсам бин Ториқ Ол Саид билан қўшма баёнотида Исроил қўшинларини Ғазо секторидан олиб чиқиш тарафдори эканлигини билдирди. Бу ҳақда ТАСС хабар бермоқда.
"Икки раҳбар ҳам Исроил қўшинларини Ғаззо сектори ва Фаластиннинг барча ҳудудларидан тўлиқ олиб чиқиш зарурлигини таъкидлади," - дея қайд этилган икки давлат раҳбарининг қўшма баёнотида.
Бундан ташқари, Россия ва Уммон Ғазо сектори атрофидаги вазият ва у ерда содир бўлаётган гуманитар инқироздан хавотир билдиргани қайд этилган.
Бундан олдин Кремлда Путин ва Уммон султони Ҳайсам бин Ториқ Ол Саид Яқин Шарқдаги вазиятни, жумладан, Фаластин-Исроил можаросини, шунингдек, Суриядаги аҳволни муҳокама қилганлиги маълум қилинган эди.
АҚШ Украинани бутунлай тарк этмоқда
Исроил самолётлари хатолик билан яҳудийлар яшаш пунктини бомбардимон қилди
"Одамларни кўзсиз ва қўл-оёқсиз ушлаб туришмоқда": Россия урушни қандай олиб бормоқда?
