Трамп АҚШ ҳарбийларига Ҳўрмузда мина ўрнатаётган Эроннинг ҳар қандай кемасини йўқ қилишга буйруқ берди

АҚШ президенти бу ҳақда ўзининг Truth Social ижтимоий тармоғидаги саҳифасида маълум қилди.

"Мен АҚШ Ҳарбий-денгиз кучларига Ҳўрмуз бўғози сувларига мина ўрнатаётган ҳар қандай қайиқни, улар хоҳ кичик бўлсин ўққа тутиш ва йўқ қилиш ҳақида буйруқ бердим. Ҳеч қандай иккиланиш бўлмаслиги керак. Бундан ташқари, бизнинг мина тозаловчи кемаларимиз ҳозирда бўғозни тозаламоқда", — деб ёзди Оқ уй раҳбари.

Трамп, шунингдек, АҚШ бўғоз устидан “тўлиқ назорат” ўрнатганини таъкидлади.

"АҚШ Ҳарбий-денгиз кучларининг рухсатисиз ҳеч бир кема Ҳўрмузга кира олмайди ва у ердан чиқиб кета олмайди. Эрон келишувга эришмагунча, бу ҳудуд “зич ёпилган” ҳолатда қолади", — дея қайд этди президент.

Бундан ташқари, Трамп Эрон раҳбариятидаги ички низоларга ишора қилди. АҚШ етакчисининг сўзларига кўра, жанг майдонида ютқазаётган “радикаллар” ва “мўътадиллар” ўртасидаги кураш мамлакатни қийин аҳволга солиб қўйган.