Тошкент шаҳар транспорт бошқармаси томонидан “Машинасозлар метроси – Янги Ўзбекистон боғи” йўналиши бўйлаб янги автобус йўналиши ташкил этилмоқда.
Тошкент шаҳар транспорт бошқармаси хабарига кўра, ушбу йўналишда фаолият кўрсатиш истагида бўлган ташувчиларнинг аризалари 2021 йил 10 октябрь кунига қадар қабул қилинади.
Йўналишнинг умумий узунлиги 13 км, йўлга кетадиган вақт - тахминан 36 дақиқа. Бу йўналишда 6 та автобус ишлайди, улар орасидаги интервал 12 дақиқани ташкил қилади.
