Куни кеча Тошкентда ШҲТ котибларининг учрашуви бўлиб ўтди. Учрашувда Кинематография агентлиги Халқаро бўлими вакиллари ҳам иштирок этиб, 14-18 сентябрь кунлари ўтказиладиган Тошкент халқаро кинофестивали бўйича тақдимот ўтказишди.
Учрашувда шунингдек, саммит доирасида ташкил этилиши кутилаётган тадбир ва учрашувлар ҳақида ҳам сўз борди. Кинофестиваль доирасида ШҲТга аъзо давлатлар миллий фильмларининг намойиши ташкил этилиши келишиб олинди.
Бундан ташқари, келгусида кинематография соҳасида ко-продукциялар ишлаб чиқариш, маданий алоқаларни янада мустаҳкамлаш бўйича музокаралар олиб борилди.