Тошкентда қалбаки дори ишлаб чиқарилаётган цех фош қилинди: 9 млрд сўмлик дорилар мусодара қилинди

Божхона қўмитаси хабарига кўра, Мирзо Улуғбек туманидаги цехдан:

🔸ярим тонна турли хил кукунсимон хомашё,
🔸180 кг оғирликда ва салкам 3 минг қути таблетка ва капсула,
🔸133 дона флаконда қўлбола тайёрланган дорилар топилди.

Шунингдек, цехдан нархи $150 мингга тенг ускуналар, 21 дона темир қолип, штрих-код чоп этилган 132 тўп ёрлиқлар ва “Нейромидин”, “Парацетамол” дорилари штрих-кодлари топилган.

Таъкидланишича, фармацевтика бозорига қиймати 8,5-9 млрд. сўмлик сифати кафолатланмаган дорилар кириб келишининг олди олинди.

Ҳолат юзасидан божхона органлари терговга қадар текширув ҳаракатлари олиб бормоқда.