Тошкент вилоят прокуратураси органлари томонидан атроф-муҳитни муҳофаза қилиш, норуда фойдали қазилмаларни ўз ичига олган ер қаъри участкаларидан фойдаланиш тўғрисидаги қонунчилик ижроси юзасидан доимий равишда ўтказилиб келинаётган назорат тадбирлари натижасида 14 та ҳолатда қонунбузилиши аниқланиб, жиноят иши қўзғатилди.
Масалан, Оҳангарон туманидаги “Golden Mega Brick” МЧЖ раҳбари У. тегишли рухсатномасиз 1.8 млрд. сўмлик қум-шағални ўзбошимчалик билан қазиб олган.
Оҳангарон туманидаги “Ahangaran brik” МЧЖ шаклидаги қўшма корхонаси раҳбари Ю. тегишли рухсатномасиз қум-шағар ўзбошимчалик билан қазиб олиб, давлат ва жамоат манфаатларига 2.3 млрд. сўм зарар етказишган.
