Пойтахтдаги бозор ва савдо комплексларининг молиявий ҳолати, мол-мулки ҳамда мавжуд муаммолари ўрганилади. Бу ишлар Тошкентни 2026–2027 йилларда ижтимоий-иқтисодий ривожлантириш чоралари доирасида амалга оширилиши маълум қилинди.
Хатловда бино ва иншоотларнинг кадастр ҳужжатлари, мол-мулк ва мулкдорлар рўйхати, ҳудудлар чегаралари, муҳофаза зоналари ҳамда мавжуд чекловлар ўрганилади. Солиқ, мажбурий тўловлар ва бошқа қарздорликлар ҳам таҳлил қилинади.
Бозор ва савдо комплекслари ҳудудидаги ноқонуний қурилишлар аниқланиб, уларни бартараф этиш чоралари кўрилади.
Натижалар асосида активлардан самарали фойдаланиш, жумладан, тегишли бошқарув органлари қарорларига мувофиқ оммавий савдоларга чиқариш бўйича таклифлар тайёрланади.
Ишларда Кадастр агентлигининг Тошкент шаҳар бошқармаси, туман ҳокимликлари, солиқ органлари, Муниципал активларни бошқариш маркази ва «Тошкент Инвест компанияси» АЖ иштирок этади.
Зеленский Украина ҳудудининг бир қисмидан воз кечишга олиб келадиган тинчлик келишувига рози бўлиши мумкин
Биргина сурат махфий режани тасодифан ошкор қилди. 5 кун ичида нималар бўлди?
Месси — учинчи, Ямал — иккинчи: "Олтин тўп" учун асосий фаворит номи маълум бўлди
