“Ҳудудгаз Пойтахт” ГТФ комплаенс назорат тузилмалари, газ таъминоти бўлими ва “Ўзэнергоинспекция” ходимлари иштирокида Тошкент шаҳрининг Яшнобод туманида ўтказилган хатлов жараёнида “зангори ёқилғи”дан ўғринча фойдаланиш ҳолати фош этилди.
Хусусан, туманнинг “Гўзал” МФЙ, Гўзал 1-берк кўчасидаги хонадонлардан бирида табиий газдан фойдаланиш ҳолати ўрганилганда, уйга ёндош ҳудудда жойлашган бинода қандолат цехи ташкил этилгани аниқланди. Ушбу цех лойиҳа-техник ҳужжатларсиз ва газ таъминоти корхонаси билан ҳеч қандай шартнома тузмасдан, табиий газ тармоғига тўғридан-тўғри уланиб олган.
Дастлабки ҳисоб-китобларга кўра, тизимга 5 миллиард 22 миллион сўмлик зарар етказилганлиги қайд этилди.
Ҳозирда ҳолат юзасидан тўпланган барча ҳужжатлар қонуний чора кўриш учун ҳуқуқ-тартибот органларига юборилган.
Тўсатдан картангиздан пул ечилса, ҳайрон бўлманг!
Аҳолига ҳеч қандай шартларсиз ҳар 3 ойда 200 доллардан берилади
Туркия Россиядан сотиб олинган С-400 зенит-ракета мажмуаларини қайтармоқчи
