Ижтимоий тармоқларда Тошкентда 110 мингта уй бузилиши бошлангани ҳақида хабарлар тарқалди. Ҳолат бўйича Қурилиш ва уй-жой коммунал хўжалиги вазирлиги маълумот берди.
Қурилиш ва уй-жой коммунал хўжалиги вазирлигининг маълум қилишича, тармоқларда тарқалган ушбу хабарлар ҳақиқатга тўғри келмайди. Айни кунларда мамлакатимизда кўп қаватли уй-жой фондининг сейсмик ҳолатини ўрганиш ва баҳолаш ишлари олиб борилмоқда. Бу тадбирлар аҳоли хавфсизлигини таъминлаш мақсадида профилактик тарзда амалга оширилмоқда.
Ҳозирда ҳеч қандай расмий ҳужжатларга эга бўлмаган битта объектда сейсмик талабларга мос келмаслик ҳолати аниқланган. Фуқаролар хавфсизлигини таъминлаш мақсадида ушбу объект бўйича белгиланган тартибда тегишли чора-тадбирлар кўрилган.
Вазирликнинг қўшимча қилишича, айни вақтда оммавий равишда уй-жойларни бузишга оид ҳеч қандай қарор ёки режа мавжуд эмас.
Фуқаролардан ишончсиз манбалар орқали тарқалаётган асоссиз хабарларга ишонмаслик ва расмий маълумотларга таяниш сўралади. Ёлғон ахборот тарқатганлик учун эса қонунчиликда жавобгарлик белгиланганини эслатиб ўтамиз, — дейилади хабарда.
Эрон ядро обектларидаги эҳтимолий ҳалокатнинг Ўзбекистонга ҳам таъсири бор!
Эрон ядро объектларидаги эҳтимолий ҳалокатнинг Ўзбекистонга таъсири борми?
Тошкентда таниқли блогер ўз уйида Нил тимсоҳини ноқонуний сақлаб келаётганлиги маълум бўлди (ВИДЕО)
