«Тошкeнт-Қарши-Тошкeнт» йўналишида «Афросиёб» элeктропоездлари қатнови бошланади

Йўловчиларга темир йўл транспортида хизматлар кўрсатиш кўламини янада ошириш мақсадида 2022 йил 8 июль санасидан бошлаб, ҳафтанинг ҳар жума, шанба ва якшанба кунлари «Тошкент-Қарши-Тошкент» йўналишида 780/779-сонли юқори тезликда ҳаракатланувчи «Афросиёб» электропоездлари қатнови йўлга қўйилади.

Ҳаракат жадвалига кўра «Тошкент- Қарши» йўналишида қатновини амалга оширадиган 780-сонли «Афросиёб» электропоезди ҳар ҳафтанинг жума, шанба ва якшанба кунлари соат 07:00 да Тошкент марказий темир йўл вокзалидан;

«Қарши-Тошкент» йўналишида ҳаракатланадиган 779-сонли «Афросиёб» электропоезди эса Қарши темир йўл вокзалидан соат 15:25 да қатновини амалга оширади.

Шу боис, 2022 йил 8 июль санасидан бошлаб, бугунги кунда «Тошкент-Самарқанд-Тошкент» йўналишида ҳаракатланаётган 764/763-сонли ҳамда «Тошкент-Бухоро» йўналишида ҳаракатланаётган 770-сонли «Афросиёб» электропоездларининг ҳаракат жадвалига ҳам ўзгартириш киритилади.

Унга кўра, «Тошкент-Самарқанд» йўналишида ҳаракатланадиган 764-сонли «Афросиёб» электропоезди ҳар куни соат 08:30 да Тошкент марказий темир йўл вокзалидан,
«Самарқанд-Тошкент» йўналишида ҳаракатланаётган 763-сонли «Афросиёб» электропоезди соат 16:15 да Самарқанд темир йўл вокзалидан, «Тошкент-Бухоро» йўналишида ҳаракатланадиган 770-сонли «Афросиёб» электропоезди эса соат 08:56 да Тошкент марказий темир йўл вокзалидан қатновини амалга оширади.

Юқоридаги «Афросиёб» электропоездлари ҳаракати йўлга қўйилиши муносабати билан, 2022 йил 10 июль кунидан бошлаб ҳафтанинг ҳар якшанба куни «Тошкент-Самарқанд-Тошкент» йўналишида ҳаракатланаётган 768/767-сонли «Афросиёб» электропоезди қатнови тўхтатилади.