Тошкент метросининг “Ерусти ҳалқа йўли” 1 ноябрдан қайта ишга тушади

Таъмирлаш ишлари туфайли ёпилган “Ерусти ҳалқа йўли” метроси бекатларининг очилиши 1 ноябрга қолдирилди. Илгари бекатлар 18 октябрда фаолиятни қайта бошлаши кутилганди, аммо синов жараёнларини такомиллаштириш ва келгусида поездлар тезлигини икки баробар ошириш мақсадида муддат узайтирилди.

Ҳозирча йўналишда поездлар йўловчиларсиз синов тариқасида ҳаракатланмоқда.

Йўловчилар қулайлиги учун “Технопарк” — “Қипчоқ” оралиғида бепул катта сиғимли автобуслар (метробус) қатнови ташкил этилган.