Қозоғистон президенти Қосим-Жомарт Тоқаев Россия президенти Владимир Путин билан Омск шаҳрида бўлиб ўтган учрашувда Украинадаги урушни вақтинча тўхтатиш ва «Истанбул формуласи 2.0»га қайтишни таклиф қилди.
Тоқаевнинг таъкидлашича, 2022 йилда Истанбулда ўтказилган музокараларда муайян натижаларга эришилган эди. Унинг фикрича, Россияни ҳам ўз ичига олган йирик давлатлар кафолати остида можарони музлатиш ва кейинчалик тинчлик сари ҳаракат қилиш мумкин.
«Эҳтимол, бу можарони музлатиб, Истанбул формуласи 2.0га қайтиш вақти келгандир. У ерда сезиларли натижаларга эришилган эди», — деди Тоқаев.
Шу билан бирга, у бу масалада воситачи бўлиш нияти йўқлигини билдирди. Президентнинг сўзларига кўра, у мазкур фикрни жамоатчилик илтимосига кўра Путинга етказган.
Тоқаев урушни тўхтатиш зарурлигини таъкидлаб, ҳар икки томонда ёшлар ҳалок бўлаётганини ва бу Россия ҳамда Украина халқлари учун катта йўқотиш эканини қайд этди.
Маълумот учун, 2022 йилда Истанбулда Россия ва Украина ўртасида музокаралар ўтказилган, аммо тайёрланган меморандум амалга ошмай қолган. Москва Киевни Ғарб босими остида мазкур келишувдан воз кечганликда айбласа, Украина ҳужжатда назарда тутилган ҳудудий ён беришларни қабул қилмаслигини билдириб келади.
Ҳиндистон ТИВ Россия дипломатини чақиртирди
Россияда мигрантларни депортация қилиш учун асослар кенгайтирилди
1 августдан автомобиллар учун газ бепул бўлади
