Тони Кроос "эл-класико" қаҳрамони ким бўлганини айтди

Мадриднинг "Реал" клуби собиқ футболчиси Тони Кроос сўнгги "класико"да кимни асосий қаҳрамон деб билишини айтди.

Якшанба куни бўлиб ўтган Ла Лига ўйини "Барселона"нинг иродали ғалабаси билан якунланди - 4:3. "Реал" форварди Килиан Мбаппе ҳет-трик қайд этди, аммо жамоасига класикодаги навбатдаги мағлубиятдан қутулиб қолишга ёрдам бера олмади.

"Ўйиннинг энг яхши футболчиси? Мбаппе. Ҳеч ким бу албатта ғолиб жамоа вакили бўлиши керак, демаган. Агар учта гол урсанг, сен энг яхши ўйинчисан," - дея Крооснинг сўзларини келтиради Madrid Xtra.