“Толибон” Кунар дарёси сувини бутунлай тўсиб қўймоқчи

“Толибон” Афғонистондан Покистонга оқиб ўтадиган Кунар дарёси сувини бутунлай тўсиб қўйишини маълум қилди.

“Толибон” ҳукуматининг иқтисодий масалалар бўйича вазири ўринбосари мулла Абдул Ғани Барадар “боши кетса ҳам” Кунар дарёсининг сувини аввалги ҳолига қайтаришини айтди. У ҳукуматнинг иродаси кучли экани ҳамда Афғонистонни қайта қуриш бўйича турли режалари борлигини иддао қилди.

Мулла Абдул Ғани Барадарнинг ушбу баёноти Покистон муваққат ҳукуматининг афғон қочқинларини Покистондан депортация қилиш тўғрисидаги қарорига жавобан янгради.