Бу йил Тожикистонда Рамазон ойи 29 кун давом этиши мумкин, 30 март куни эса Рамазон байрами нишонланади. Бу ҳақда Тожикистон Республикаси Дин ишлари, анъаналар, тантаналар ва маросимларни тартибга солиш қўмитасига таяниб, “Asia-Plus” хабар берди.
Манбага кўра, Тожикистон уламолар кенгаши 27 март куни йиғилиш ўтказиб, байрам санаси бўйича якуний қарор қабул қилади.
“Жорий йилда Ражаб ва Шаъбон ойлари 30 кундан иборат бўлгани сабабли, Рамазон ойи 29 кун давом этиши эҳтимоли юқори. Бундан ташқари, минтақа мамлакатлари, Саудия Арабистони ва бошқа мусулмон давлатлари ҳам худди шу фикрга қўшилмоқда”, дейилади Қўмита баёнотида.
Тожикистонда бу йил Рамазон 1 мартдан бошланган. Тожикистон уламолар кенгаши ойнинг бошланишини Тожикистон Миллий фанлар академиясининг Астрофизика илмий-тадқиқот институти хулосаси асосида белгилаган.
Россия аэропортида ўзбекистонликлар қўлга олинди
Россия ҳарбийлари Украина Қуролли кучларининг қурол заводи ва аэродромига зарба берди
Макгрегор етти йилни панжара ортида ўтказиши мумкин
