Тожикистон ва Афғонистон чегарасида юз берган тўқнашув оқибатида икки нафар тожик чегарачиси ҳамда Афғонистон томондан бир неча нафар қуролланган шахс ҳалок бўлди.
Маълумотларга кўра, тўқнашув тожик чегарачилари билан қуролланган наркотик савдогарлар гуруҳи ўртасида содир бўлган.
«Озоди» радиосининг хабар беришича, ҳодиса 24 декабрь куни Шамсиддин Шоҳин туманига қарашли Баҳорак ҳудудида рўй берган. Тўқнашувда «Саричашма» ҳарбий қисми хизматчилари – 28 ёшли Исматулло Қурбонов ва 33 ёшли Зиребон Наврўзбеков ҳалок бўлган.
Хабарда айтилишича, наркосавдогарлардан бир неча нафари ўлдирилган, бири қўлга олинган, яна тўрт нафари эса қочиб кетган.
Афғонистоннинг «Ҳашти субҳ» нашри ҳам мазкур тўқнашув ҳақида хабар бериб, Тожикистон чегарачилари томонидан очилган ўққа жавобан Афғонистон ҳудудидан ўқ узган икки нафар қуролли шахс йўқ қилинганини маълум қилган.
Нашр маълумотларига кўра, отишма Афғонистоннинг Бадахшон вилоятидаги Шаҳри Бузург тумани билан Тахор вилоятидаги Чоҳи Об тумани ўртасидаги чегара ҳудудида содир бўлган.
Айни пайтга қадар Тожикистон ва Афғонистон расмийлари мазкур ҳодиса юзасидан расмий баёнот бермади.
Россиянинг “таслим бўлиш” таклифи ҳақида маълум қилинди
Абдуқодир Ҳусанов «Реал»да ўйнашга яқин турибди
Россия собиқ СССРнинг Европа қисмидаги ҳудудларини қайтадан эгаллашни истайди(ми)?
