Хорижлик инвесторларнинг Пахтачи туманидаги мавжуд тоғ-кимёвий хом ашё билан боғлиқ имкониятларига қизиқиши ортмоқда. Натижада ушбу хом ашёларни қайта ишлаш билан шуғулланувчи янги корхоналар ташкил этилмоқда. Хитойлик инвесторлар иштирокида фаолият бошлаган «JIN YANG SHIYE» масъулияти чекланган жамияти шу корхоналардан бири.
Айни кунларда мазкур корхона томонидан қиймати 5 миллион долларлик лойиҳа устида иш олиб борилмоқда. Лойиҳа бўйича молиялаштириш масалалари ҳал этилган. Маҳаллий ва хитойлик мутахассислар тоғларда дала қидирув-экспедиция ва лаборатория ишларини амалга оширилмоқда.
Йиллик ишлаб чиқариш қуввати 135 миллиард сўмлик қурилишда ишлатиладиган оҳак ва силикатли ғишт (доломит)дан хом ашё тайёрлаш бўлган мазкур лойиҳа 2021 йилда ишга туширилиши мўлжалланган. Корхона фаолият бошлагач, бу ерда 50 нафар киши доимий иш билан таъминланади.
Manba: zarnews. uz
