Тимур Кападзе Индонезия терма жамоасидан бўлаётган қизиқишлар ҳақида гапирди

Тимур Кападзе Индонезиядан қизиқиш бор ёки йўқлиги бўйича тарқалаётган хабарларга изоҳ берди. Бу ҳақда Championat.asia нашри хабар берди.

"Индонезиянинг қизиқиши ҳақида ўқидим ва эшитдим. Instagram саҳифам индонезиялик мухлислар мактублари билан тўлиб-тошмоқда. Бироқ ҳозирча Индонезия футбол ассоциациясидан расмий таклиф келиб тушмаган.

Индонезия – яхши шаклланган жамоа. У ерда футболни жуда яхши кўришади. Индонезиялик мухлисларнинг бу хоҳиши мени хурсанд қилди", – деди Кападзе.