АҚШ Эрон билан давом этаётган ҳарбий можарога барҳам бериш мақсадида Хитойнинг дипломатик имкониятларидан фойдаланишга уринмоқда. Бу ҳақда The Washington Post шарҳловчиси Дэвид Игнатиус хабар берди.
Нашрга маълумот берган америкалик амалдорнинг сўзларига кўра, АҚШ молия вазири Скотт Бессент президент Доналд Трампнинг розилиги билан Пекинга мурожаат қилган. У Хитой раҳбариятидан Теҳронга таъсир ўтказиб, урушни тўхтатишга кўмаклашишни сўраган.
Манбанинг таъкидлашича, Хитой томони Вашингтоннинг ушбу мурожаатини Эрон раҳбариятига етказган.
Хабарда айтилишича, Трамп сентябрь ойида Хитой раҳбари Си Цзиньпин билан учрашувда ҳам Эрон масаласини муҳокама қилган.
Бироқ Пекин ва Теҳрон мазкур дипломатик алоқалар ҳақида ҳозирча расмий тасдиқ бермаган. Эрон томонининг АҚШ таклифига қандай муносабат билдиргани ҳам номаълум.
Австралиялик балиқчи тасодифан 600 минг евродан қимматроқ балиқ тутиб олди
"Зеленский ҳокимиятни йўқотишдан қўрқиб, уруш тугашини истамайди"
Сумкасини ўғирлаган шахсни қувган турист қамоқ жазосига ҳукм қилинди
