Бразилияда 36 ёшли футболчи Бисмарк Винисиус Фрейре ду Насименту отишма оқибатида ҳалок бўлди.
Бисмарк ёки «B10» тахаллуси билан танилган футболчи Натал шаҳридаги барлардан бирида ўқотар қуролдан жароҳат олган. У шифохонага етказилган, бироқ ҳаётини сақлаб қолишнинг имкони бўлмаган. Ҳодисада яна бир киши жароҳатланган ва тирик қолган.
Маҳаллий ОАВ ва Риу-Гранди-ду-Норти штати полициясининг дастлабки маълумотларига кўра, воқеа пайшанбадан жумага ўтар кечаси содир бўлган. Бисмарк дўстлари билан барга борган ва у ерда бошқа бир эркак билан тортишиб қолгани айтилмоқда. Жанжал кейинчалик отишмага айланган.
Ҳуқуқ-тартибот идоралари ҳодиса сабабларини аниқлаш учун тергов олиб бормоқда.
Марҳум футболчининг уч нафар фарзанди қолди. У 2027 йилда «Олимпия» клубига ўтишни режалаштирган эди.
Ўзбекистонда кескин совуқ ва кучли ёғингарчилик кутилмоқда
Актриса Нилуфар Ҳамидова 7 суткага қамалди
Эркинжон Турдимов бешта ректорни ишдан бўшатди
