Фаластин Ташқи ишлар вазирлиги Исроил кўчманчилари Ал-Ақсо масжидини бузишни режалаштириши мумкинлиги ҳақида огоҳлантириш берганини ҳисобга олиб, уларнинг кимлигини тушунишга ёрдам берадиган қисқа маълумотлар:
Кўчманчилар - Фаластиннинг хусусий ерларида ноқонуний яшовчи Исроил фуқаролари.
Исроил 1967-йилги Олти кунлик урушда Ғарбий Қирғоқ, Шарқий Қуддус ва Ғазо секторини босиб олгач, манзилгоҳлар қуришни бошлаган.
Ҳозирда 700 000 дан ортиқ кўчманчилар - Исроилнинг қарийб етти миллион аҳолисининг 10 фоизи - босиб олинган Ғарбий Қирғоқ ва Шарқий Қуддус бўйлаб жойлашган 150 та ноқонуний манзилгоҳ ва 128 та постда истиқомат қилади.
Ҳукумат манзилгоҳларни очиқчасига молиялаштирган ва қурган. Исроил ҳокимияти Ғарбий Қирғоқдаги ўз кўчманчиларига C ҳудудида фаластинликларнинг қурилишини кузатиш, хабар бериш ва чеклаш учун йилига 5,6 миллион доллар атрофида маблағ ажратади. Бу ҳудуд фақат Исроил томонидан бошқарилади ва Ғарбий Қирғоқнинг 60 фоиздан кўпроғини ташкил этади.
Бирлашган Миллатлар Ташкилоти бир қанча резолюция ва овоз беришлар орқали қонунсиз аҳоли манзилгоҳларини қоралаган.
Бироқ, Қўшма Штатлар ўн йиллар давомида Исроилга дипломатик ҳимоя таъминлаб келмоқда. Вашингтон БМТда ўз вето ҳуқуқидан доимий равишда фойдаланиб, Исроилни дипломатик танқидлардан асраб келмоқда.
“Тез орада Худонинг ёрдами билан — бу бутун Исроил юрти бўлади”
Ван Дамм Путинга мурожаат қилди
Рубл дунёнинг барча валюталарини ортда қолдирди
