Tesla компанияси АҚШда ташқи электр тармоқларига уланмаган, тўлиқ қуёш энергиясида ишлайдиган илк автоном заряд станциясини ишга туширди. Бу Илoн Маскнинг узоқ йиллик ғоясининг амалий натижаси бўлди.
Tesla компанияси АҚШнинг Калифорния штатида Oasis Supercharger деб номланган электромобиллар учун илк тўлиқ автоном заряд станциясини фаолиятга киритди. Electrek нашрининг хабар беришича, ушбу станция электр тармоқларидан мустақил фаолият кўрсатади ва энергия манбаи сифатида фақат қуёш панеллари ва энергия тўплагичларидан фойдаланади.
Янги станцияда 168 та зарядлаш постлари ўрнатилган бўлиб, ҳозирча уларнинг ярми ишламоқда. Электр энергияси қуввати 39 MVt/соат бўлган стационар батареяларда жамланади. Бу энергия тўпламлари қуёти 11 MVt бўлган қуёш панеллари орқали қувватланади.
Oasis Supercharger тўлиқ мустақил равишда, ташқи манбалар ёрдамисиз электромобилларни зарядлаш имкониятига эга. Компания йил якунига қадар барча постларни ишга тушириш ва ёпиқ энергия тизимини тўлиқ якунлашни режалаштирган.
Станция қуёшли кунлар кўп кузатиладиган ҳудудда жойлашган бўлиб, унинг атрофи кенг майдонли қуёш панеллари билан қопланган. Ҳозирча ушбу лойиҳанинг иқтисодий самарадорлигини баҳолаш мушкул, чунки станциянинг ўзини қоплаши учун доимий юклама талаб этилади.
Бундан аввал Tesla АҚШда робот такси хизмати синовини бошлагани ҳақида хабар берилган эди. Ҳозирда синовларда рул ва педалсиз Cybercab ўрнига Model Y автомашиналари фойдаланилмоқда ва олд ўриндиқда Tesla ходими кузатувчи сифатида ўтирмоқда.
Россия санкциялар билан таҳдид қилмоқда: нишонда Ўзбекистон ҳам бор!
Қозоғистонда 1 миллионга яқин сайғоқни отишга қарор қилишди
Мирзабек Холмедов янги лавозимга тайинланди
