Вашингтон Ислом Республикаси ҳудудида уранни бойитишдан бош тортиш шартини қўйса, Эрон АҚШ билан музокараларга рози бўлмайди.
Бу ҳақда Эрон олий раҳбарининг халқаро масалалар бўйича маслаҳатчиси Али Акбар Вилоятий маълум қилди.
"Улар Эрон бойитишни тўхтатиши керак, дейишади, бу бизнинг қизил чизиқларимиздан бири ва агар музокаралар бойитиш тугаши билан шартланган бўлса, бундай музокаралар албатта бўлмайди", - деди Вилоятий.
Эслатиб ўтамиз, 12 июль куни Эрон ташқи ишлар вазири Аббос Арағчи Теҳрон Атом энергияси бўйича халқаро агентлик (МАГАТЭ) билан ҳамкорликни тўхтатаётгани йўқ, лекин бу бошқа шаклда бўлишини айтган эди. Унга кўра, агентлик сўровлари энди Эрон миллий хавфсизлик олий кенгаши томонидан индивидуал тартибда кўриб чиқилади. Хавфсизлик масалалари ҳам ҳисобга олинади.
2 июль куни мамлакат президенти Масуд Пезешкян МАГАТЭ билан ҳамкорликни тўхтатувчи фармонни имзолади. Парламент спикери ўринбосари Ҳамид-Ризо Ҳожи Бабайнинг тушунтиришича, бу қарор махфий маълумотларнинг сизиб чиқиши билан боғлиқ.
Машҳур блогер Абдурозиқ Дубай аэропортида ҳибсга олинди
Дилшод Тўрахўжаев иши: Россия Ўзбекистонга нота йўллади
Cobalt нархи Россияда қанча?
