Тайвань расмийлари Тайвань бўғозида тинчлик ва барқарорликни таъминлашга содиқ эканини тасдиқлади. Улар Хитой билан тинч-тотув яшашга интилаётганини, бироқ эркинлик ва ўз келажагини мустақил белгилаш ҳуқуқидан воз кечмаслигини таъкидлади.
Тайвань раҳбарияти оролнинг мудофаа салоҳиятини мустаҳкамлаш можарони келтириб чиқаришга эмас, балки эҳтимолий тажовузни жиловлашга қаратилганини билдирди. Тайбэйни, айниқса, Хитойнинг «кулранг зона»даги ҳарбий фаоллиги ва Тайвань томони мавжуд вазиятга таҳдид деб баҳолаётган ҳаракатлари ташвишга солмоқда.
Шу билан бирга, Тайвань АҚШ ва Хитой ўртасида қуролли тўқнашув хавфини камайтиришга қаратилган мулоқотни олқишлайди. Орол расмийлари ҳар қандай музокара тенг ҳуқуқлилик ва ўзаро ҳурмат тамойилларига асосланиши, Тайванга сиёсий бўйсуниш мажбуран юкланмаслиги кераклигини таъкидламоқда.
Тайванга қарийб 14 миллиард долларлик қурол-яроғ етказиб бериш имкониятлари муҳокама қилинаётган бир пайтда, таҳлилчилар Тайвань масаласи Вашингтон ва Пекин ўртасидаги асосий келишмовчиликлардан бири бўлиб қолаётганини қайд этмоқда. Бироқ уларнинг баҳолашича, бу масала Хитой ва АҚШ муносабатларини нормаллаштиришга қаратилган кейинги уринишларга албатта тўсқинлик қилавермайди.
Икки футболчи зўрлаш ишида қўлга олинди
Жиззахда эркак 10 ёшли болани зўрлаб, сўнг ўз жонига қасд қилди
Шахмат терма жамоаси аъзолари ҳибсга олинди
