Танзаниянинг шарқий қисмидаги Морогоро минтақасида йўловчи автобуси ва ёғоч ташувчи юк машинаси тўқнашиб, камида 28 киши ҳалок бўлди. Ҳодиса 8 октябрь куни содир бўлган, деб хабар берди маҳаллий ёнғин-қутқарув хизмати.
Маълум қилинишича, ҳалокат Морогоро — Дор-эс-Салом магистрал йўлининг Мкамбарани қишлоғидан ўтувчи қисмида юз берган. Дор-эс-Саломдан Мбея шаҳрига қараб ҳаракатланаётган автобус юк машинаси билан тўқнашганидан сўнг ёнғин чиқиб, транспорт воситаси бутунлай ёниб кетган.
Морогоро ёнғин-қутқарув хизмати раҳбари вазифасини бажарувчи Жозеф Мвасабеджанинг маълум қилишича, дастлабки маълумотларга кўра, юк машинаси ҳайдовчиси қоидага риоя қилмасдан қувиб ўтишга уринган ва натижада тўқнашув содир бўлган. Ҳайдовчининг шахси ҳозирча аниқланмаган.
Икки футболчи зўрлаш ишида қўлга олинди
Жиззахда эркак 10 ёшли болани зўрлаб, сўнг ўз жонига қасд қилди
Шахмат терма жамоаси аъзолари ҳибсга олинди
