Тамарахоним уй-музейида машҳур раққосанинг саҳна либосларини қайта тиклаш ва асраб-авайлаш ишлари олиб борилди.
Ўзбекистон маданияти ва санъатини ривожлантириш жамғармасидан маълум қилишларича, мазкур ишлар 3-14 июнь кунлари жамғарма кўмагида уй-музейни капитал таъмирлаш ва таъмирлаш дастури доирасида амалга оширилган.
Уларга Франциянинг Миллий мерос институти мутахассислари жалб қилинган. Жараённи маданий меросни муҳофаза қилиш бўйича мутахассис Патрисия Вергес ва тўқимачилик консерватори-реставратори Патрисия Дал-Пра бошқарган.