Таиланд Эрон билан Ҳормуз бўғози орқали нефть ташиш бўйича келишувга эришди

Бангкок Теҳрон билан Ҳормуз бўғози орқали нефть ташишнинг хавфсиз йўналишини сақлаб қолиш бўйича музокаралар олиб борди.

Таиланд бош вазири Анутхин Чанвиракун бу ҳақда "Глобал инқирознинг бир ойи: Таиланднинг ўзгарган дунёда жавоби" номли матбуот анжуманида сўзлаган нутқида маълум қилди.

Унинг таъкидлашича, "ҳукумат Таиланднинг энергия хавфсизлигини мустаҳкамлаш бўйича саъй-ҳаракатларни кучайтирди ва асосий омиллардан бири Эрон билан Ҳормуз бўғози орқали нефть ташишнинг хавфсиз йўналишларини сақлаб қолиш бўйича музокаралар бўлиб, бу жиддий таъминот узилишлари хавфини камайтиришга ёрдам берди".

"Нефт нархларининг ўзгариши натижасида юзага келган тартибсизликлар учун халқдан узр сўрашим керак. Биз жамоатчиликка нефть захиралари етарли эканлигига ишонтирамиз", деди у ва Таиланднинг нефть захиралари қисқа вақт ичида 62 кундан 100 кунгача, "бир неча йил ичидаги энг юқори кўрсаткич" га ошганини таъкидлади.

Таиланд бош вазири мамлакат аҳолисини "Бир оила, бир литр" шиори остида энергия тежаш кампаниясига қўшилишга чақирди. Унинг таъкидлашича, агар 10 миллион хонадон нефть маҳсулотлари истеъмолини кунига атиги бир литрга камайтирса, Таиланд импортни кунига 10 миллион литргача камайтириши мумкин. Чанвиракун таъкидлашича, бу ўз навбатида ҳукумат субсидияларини кунига 200 миллион баҳтдан (6 миллион доллар) кўпроққа ва хонадонлар харажатларини кунига 400 миллион баҳтдан (12 миллион доллар) кўпроққа камайтиради.