Хитой раҳбари Си Цзиньпин АҚШ президенти Дональд Трамп билан телефон орқали суҳбатда АҚШни бир томонлама чекловлар қўйиш орқали икки давлат ўртасидаги савдо муносабатларига путур етказмасликка чақирди.
Бу ҳақда Хитойнинг Global Times нашри хабар бермоқда.
"АҚШ икки томон ўртасидаги кўп сонли маслаҳатлашувлар натижаларига путур етказмаслик учун бир томонлама савдо чекловларидан воз кечиши керак" - деди Си Цзиньпин.
Шунингдек, у TikTok ижтимоий медиа платформасининг АҚШ бўлинмасини сотиш бўйича келишув бўйича Пекин позициясини яна бир бор таъкидлади: музокаралар натижаси ҳар икки томон манфаатларини ҳисобга олиши, Хитой қонунлари ва қоидаларини бузмаслиги, бозор қоидаларига риоя қилиши керак. Шу билан бирга, АҚШ хитойлик сармоядорлар учун камситилмайдиган шарт-шароитларни таъминлаши керак.
Си Цзиньпин Хитой-АҚШ муносабатларининг муҳимлигини ва икки томоннинг Хитой, АҚШ ва бутун дунё манфаати учун ҳамкорлик қилиш қобилиятини қайд этди.
Трамп суҳбатни "жуда самарали" ва "жуда яхши" деб баҳолади ва Си Цзиньпин билан яна телефон орқали гаплашишга ваъда берди.
Тошкентда она ўзини ва 2 боласини 8-қаватдан ташлаб юборди (юраги бўшлар кўрмасин)
Қирғизистон пойтахти кўчириладими?
Юқори қаватдан ўзини ва икки нафар фарзандини ташлаган аёл ҳалок бўлди, икки ўғилнинг ҳаёти сақлаб қолинди
