Малта байроғи остидаги Ruby юк кемаси Африкага йўлда Россия ўғитини олиб кетаётганда шикастланган ва ўтган ойдан буён Шимолий Европа қирғоқларида сузиб юрган. У маҳаллий портларга таъмирлаш учун кира олмайди – улар юк, аммиакли селитра портлаши мумкинлигидан қўрқиб, уни қабул қилишни истамаяпти, деб ёзади The New York Times.
Газетанинг ёзишича, Ruby 2023 йил августида Мурманск вилоятининг Кандалакша шаҳридаги портни тарк этган. Бортда Африка портларидан бирига етказиб бериш учун 20 минг тонна аммиакли селитра бор. Кандалакшани тарк этгач, кўп ўтмай, кема қуруқликка тушиб қолди. Натижада корпусда бир нечта ёриқлар пайдо бўлган, руль ва парвона шикастланган.
1-4 сентябрь кунлари кема Норвегиянинг Тромсё портида бўлиб, у ерда кўрикдан ўтказилиб, бошқа давлатдаги портга таъмирлаш учун жўнатилган. Ruby Клайпеда томон йўл олди, лекин Литва портга киришига рухсат бермади. Маҳаллий ҳукуматлар юк портлаши мумкинлигидан хавотирда.
Литва расмийлари Rubyни «сузувчи мегабомба» деб атаган ва Европа сиёсатчиларига Россиянинг эҳтимолий саботажи ҳақида огоҳлантирган. Шундан сўнг кеманинг Малтага қўшилишига рухсат берилмаган.
Украинага «Барча бомбаларнинг отаси» ташланди
Нобель қўмитасининг қароридан Исроил шок ҳолатига тушиб қолди
Россия аланга ичида қолди
